Antón Niñe nunha entrevista de Proxecto Neo
Curriculum:
Profesor xubilado de Relixión no IES Perdouro de Burela, é Presidente da A.C. "Os Matos" da mesma localidade. Na parroquia Santiago de Foz é Catequista e Secretario do Consello Parroquial. En calidade de investigador sobre o patrimonio cultural, especialmente o da Mariña e a provincia de Lugo. Impartiu varías conferencias de temática variada. "Historias da educación de Foz", "Escolas de Fondós-Gardería Infantil: 250 anos da historia", "A vida focense e a súa relación co Asilo de Aciáns", "Foz na obra de Noriega e Cunqueiro", "O patrimonio cultural e relixioso na provincia de Lugo", "O patrimonio cultural e relixioso da Mariña", "Illas e illotes da Mariña de Lugo", "Semana Santa", "Camiño de Santiago", "Israel: a terra de Xesús hoxe", "Roma: cidade de encontro", "Ano 200 - Ano xubilar", "O cristián, peregrino no novo milenio", "A Eucaristía: O pan da vida". Tamén actuou como pregoeiro da Semana Santa en San Martiño de Mondoñedo e na Festa do San Campio en Fazouro. Ademas de ser colaborador en varias publicacións e medios informativos, realizou proxeccións audiovisuais ("75º Aniversario da Confraría de Pescadores de Foz") e varias exposicións de fotografía: "Foz as nosas festas", "Xentes do mar de Foz", "A muller de Foz no século XX" (as tres de recuperación da memoria fotográfica) e "A Festa do Bispo Santo" e "Alfombras florais das festas do Carme de Foz".
O Concello de Foz outorgoulle o Premio Manuel María ao labor cultural.
Obras realizadas:
Publicou os seguintes libros: "Asilo Nosa Señora do Carme. A súa historia" (1997), "IES Perdouro, 20 anos da vida" (2000) (Coautor do libro) e "Arredor da Virxe do Carme" (2004). É coordinador da Revista "Maruxía" e de diversos traballos de investigación publicados pola A.C. "Os Matos" como: "Refráns mariñeiros", "Medallistas Olímpicos galegos do século XX", "O románico no Norte de Lugo", "O gótico do Norte de Lugo", "Faros e balizas da Costa Luguesa" e "Illas e illotes da Costa Luguesa".
